بے تابئ دل نے زار پا کر
بے تابئ دل نے زار پا کر
دے دے پٹکا اٹھا اٹھا کر
گھر میں دعویٰ نہ حسن کا کر
یوسف سے نکل کے سامنا کر
زلفوں کو نہ چھوڑ تو بڑھا کر
نازک ہے گرے گا جھونک کھا کر
بیٹھے جو وہ شب نقاب اٹھا کر
بجھنے لگی شمع جھلملا کر
برباد نہ کر تو آبرو کو
مانند حباب سر اٹھا کر
اس گل کی مژہ نے مار ڈالا
کانٹے کی طرح سکھا سکھا کر
بے تابئ دل اگر دکھاؤں
بجلی رہ جائے تلملا کر
سفاک نے بند بند کاٹا
چوٹیں ماریں جھکا جھکا کر
اللہ رے سوزش دل اے یار
مارا کس آگ میں جلا کر
پیرے کوئی خاک بحر غم میں
آخر ڈوبا میں ڈھب ڈھبا کر
پھبتی کہتی ہیں ابر تر کے
اچھی سوجھی مجھے رلا کر
وہ مست ہیں عرش پر ٹکے ہاتھ
نشہ میں گرے جو لڑکھڑا کر
گرد غم نے زمیں جھکائی
چھوڑا مجھے خاک میں ملا کر
بوسے کے سوال پر وہ بگڑے
منہ کی کھائی زباں ہلا کر
نالہ کوئی بن پڑا جو ہم سے
افلاک کو رکھ دیا مٹا کر
خوف دوزخ سے کانپتا ہوں
ساقی مجھے جام دے تپا کر
وہ نزع میں حال سن کے روئے
کام آئی زباں لڑکھڑا کر
قصہ دل سے اٹھا دوئی کا
پرچھا ہو جائے فیصلہ کر
جب کوچ کیا صباؔ عدم کو
رہ جائیں گے یار خاک اڑا کر
وزیر علی صبا لکھنؤی 
(972) ووٹ وصول ہوئے
Be-tabi-e-dil Ne Zar-pa Kar In Urdu By Famous Poet Wazir Ali Saba Lakhnavi. Be-tabi-e-dil Ne Zar-pa Kar is written by Wazir Ali Saba Lakhnavi. Enjoy reading Be-tabi-e-dil Ne Zar-pa Kar Poem on Inspiration for Students, Youth, Girls and Boys by Wazir Ali Saba Lakhnavi. Free Dowlonad Be-tabi-e-dil Ne Zar-pa Kar by Wazir Ali Saba Lakhnavi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends