باغ عالم میں ہے بے رنگ بیان واعظ
باغ عالم میں ہے بے رنگ بیان واعظ
صورت برگ خزانی ہے زبان واعظ
مصر میں بھی نہ یہ فرعون کا عالم ہوگا
دیکھے مسجد میں کوئی شوکت و شان واعظ
ایک کانٹا سا نکل جائے ہمارے دل سے
سنسیوں سے کوئی کھینچے جو زبان واعظ
قلقل شیشۂ مے سے ترے میکش ساقی
سن رہے ہیں خبر راز نہان واعظ
حال معلوم ہوا نار و جناں کا کیوں کر
اس قدر تو نہیں اونچا ہے مکان واعظ
نام مے وہ ہے کہ لب پر جو کبھی آتا ہے
منہ سے باہر نکل آتی ہے زبان واعظ
میکدے والوں سے دبنے لگے مسجد والے
دور ساقی کا ہے گزرا وہ زمان واعظ
میں بھی وہ ہوں جو مرے آگے کبھی منہ کھولے
کاٹ ڈالوں ابھی دانتوں سے زبان واعظ
اپنے رندوں کی میں ہو حق کا ہوں سننے والا
یا الٰہی نہ سنانا سخنان واعظ
میں پری زادوں کا عاشق ہوں تو وہ حوروں کا
میرے سودے سے ہے بڑھ کر خفقان واعظ
پائے خم بیٹھ کے نشہ میں وہ باتیں کیجے
لوگ سمجھیں سر منبر ہے بیان واعظ
اے صباؔ خلد میں جاؤں کہ جہنم میں جلوں
نہ سنا ہے نہ سنوں گا میں بیان واعظ
وزیر علی صبا لکھنؤی 
(1115) ووٹ وصول ہوئے
Bagh-e-alam Mein Hai Be-rang Bayan-e-waiz In Urdu By Famous Poet Wazir Ali Saba Lakhnavi. Bagh-e-alam Mein Hai Be-rang Bayan-e-waiz is written by Wazir Ali Saba Lakhnavi. Enjoy reading Bagh-e-alam Mein Hai Be-rang Bayan-e-waiz Poem on Inspiration for Students, Youth, Girls and Boys by Wazir Ali Saba Lakhnavi. Free Dowlonad Bagh-e-alam Mein Hai Be-rang Bayan-e-waiz by Wazir Ali Saba Lakhnavi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends