بچ کر کہاں میں ان کی نظر سے نکل گیا
بچ کر کہاں میں ان کی نظر سے نکل گیا
اک تیر تھا کہ صاف جگر سے نکل گیا
خود رفتگی ہی چشم حقیقت جو وا ہوئی
دروازہ کھل گیا تو میں گھر سے نکل گیا
محو جمال رہ گئے ہم کچھ خبر نہیں
آیا کدھر سے یار کدھر سے نکل گیا
کیسا ہوا ہوا مرے رونے کو دیکھ کر
دامان ابر دیدۂ تر سے نکل گیا
رونے سے ہجر یار میں تسکین ہو گئی
دل کا بخار دیدۂ تر سے نکل گیا
آخر کیا اخیر شب وصل نے مجھے
دم پہلی بانگ مرغ سحر سے نکل گیا
آہوں نے مجھ کو آتش غم سے نجات دی
مانند دود نار سقر سے نکل گیا
دکھلایا ناتوانی نے گھر یار کا مجھے
مثل نگاہ روزن در سے نکل گیا
ساقی کی چشم مست نے ایسے دھوئیں اڑائے
شعلہ سا ایک آتش تر سے نکل گیا
جوبن سے ڈھل چلی ہیں کہاں اب لٹک کی چال
وہ پیچ ان کے موئے کمر سے نکل گیا
اس گل کے داغ عشق نے ایسا کیا گداز
گھل گھل کے مغز شمع کے سر سے نکل گیا
مشکل ہے اے صباؔ پہ کرو جبر اختیار
ہے خیر دل جو عشق کے شر سے نکل گیا
وزیر علی صبا لکھنؤی 
(1103) ووٹ وصول ہوئے
Bach Kar Kahan Main Unki Nazar Se Nikal Gaya In Urdu By Famous Poet Wazir Ali Saba Lakhnavi. Bach Kar Kahan Main Unki Nazar Se Nikal Gaya is written by Wazir Ali Saba Lakhnavi. Enjoy reading Bach Kar Kahan Main Unki Nazar Se Nikal Gaya Poem on Inspiration for Students, Youth, Girls and Boys by Wazir Ali Saba Lakhnavi. Free Dowlonad Bach Kar Kahan Main Unki Nazar Se Nikal Gaya by Wazir Ali Saba Lakhnavi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends