اشک افتادہ نظر آتے ہیں سارے دریا
اشک افتادہ نظر آتے ہیں سارے دریا
سیل گریہ نے یہ نظروں سے اتارے دریا
دیکھ لیں گر مری اشکوں کے شرارے دریا
خشک برسات میں ہوں خوف کے مارے دریا
دونوں چشموں سے مری اشک بہا کرتے ہیں
موج زن رہتا ہے دریا کے کنارے دریا
رغبت اس ترک کو مچھلی کے کبابوں سے نہیں
آتش شوق سے شیخی نہ بگھارے دریا
کام اشکوں کی روانی سے نہ نکلا آخر
جستجوئے در مقصود میں ہارے دریا
جس کو عزت دے اسے پھر نہ کرے بے عزت
کلہ سر نہ حبابوں کی اتارے دریا
ساتھ غیروں کے وہاں تم تو نہانے کو گئے
روئے یاں ہم غم فرقت میں تمہارے دریا
حاصل گوہر مقصود ہے رونے سے مجھے
دیدۂ تر کے بدولت ہے اجارے دریا
آنکھ سے مجھ کو بلاتا نہیں وہ قلزم حسن
چشم گرداب سے کرتا ہے اشارے دریا
بار الفت کو جو لے سر پہ تو نکلے نہ کسک
تا قیامت کمر کوہ جو دھارے دریا
جب میں روتا ہوں نظر آتا ہے پانی پانی
دم گریہ مری آنکھوں کے ہیں تارے دریا
فرقت یار میں کیا سیر کریں دریا کی
اے صباؔ دیدۂ گریاں ہیں ہمارے دریا
وزیر علی صبا لکھنؤی 
(1041) ووٹ وصول ہوئے
Ashk-uftada Nazar Aate Hain Sare Dariya In Urdu By Famous Poet Wazir Ali Saba Lakhnavi. Ashk-uftada Nazar Aate Hain Sare Dariya is written by Wazir Ali Saba Lakhnavi. Enjoy reading Ashk-uftada Nazar Aate Hain Sare Dariya Poem on Inspiration for Students, Youth, Girls and Boys by Wazir Ali Saba Lakhnavi. Free Dowlonad Ashk-uftada Nazar Aate Hain Sare Dariya by Wazir Ali Saba Lakhnavi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends