آئی اے گلعذار کیا کہنا
آئی اے گلعذار کیا کہنا
خوب آئی بہار کیا کہنا
مہندی مل کر ہے چوٹ مرجاں پر
ہاتھ لالہ نگار کیا کہنا
مجھ سے عاشق کے اور یوں نفریں
واہ شاباش یار کیا کہنا
برق بھی درکنار رہ جائے
ہاں دل بے قرار کیا کہنا
لاکھ بار امتحان عشق کیا
نہ کہا ایک بار کیا کہنا
بحث گریہ میں ابر بول گیا
دیدۂ اشک بار کیا کہنا
میں تو روتا ہوں آپ ہنستے ہیں
یہی ہوتا ہے یار کیا کہنا
سختیٔ عشق جھیل لے اے دل
واہ رے بردبار کیا کہنا
مر گئے ہم مگر نہ رحم آیا
وہی تیور ہیں یار کیا کہنا
خار خار غم دل پر درد
چیخ کر اے ہزار کیا کہنا
کہہ تو للکار لیں رقیبوں کو
بات رکھ لی نگار کیا کہنا
جوش الفت میں اور ضبط اے دل
جبر پر اختیار کیا کہنا
یوں تو جو گل ہے خوب ہے لیکن
تیرا اے گلعذار کیا کہنا
اے صباؔ دعویٔ انا الحق ہے
خوب سوچے ہو یار کیا کہنا
وزیر علی صبا لکھنؤی 
(950) ووٹ وصول ہوئے
Aai Ai Gul-ezar Kya Kahna In Urdu By Famous Poet Wazir Ali Saba Lakhnavi. Aai Ai Gul-ezar Kya Kahna is written by Wazir Ali Saba Lakhnavi. Enjoy reading Aai Ai Gul-ezar Kya Kahna Poem on Inspiration for Students, Youth, Girls and Boys by Wazir Ali Saba Lakhnavi. Free Dowlonad Aai Ai Gul-ezar Kya Kahna by Wazir Ali Saba Lakhnavi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends