عزت انہیں ملی وہی آخر بڑے رہے
عزت انہیں ملی وہی آخر بڑے رہے
جو خاک ہو کے آپ کے در پر پڑے رہے
اے دوست مغتنم ہیں وہ مردان با وقار
عسرت میں بھی جو آن پہ اپنی اڑے رہے
پایاب ہو کے سیل نے ان کے قدم لیے
منجدھار میں جو پاؤں جمائے کھڑے رہے
پڑتی نہیں ہر ایک پہ اس کی نگاہ ناز
ساقی کے آستاں پہ ہزاروں پڑے رہے
اپنوں کی تلخ گوئی کی لذت نہ پوچھیے
بھالے سے عمر بھر رگ جاں میں گڑے رہے
مانند سنگ میل دکھائی ہر اک کو راہ
لیکن خود اپنے پاؤں زمیں میں گڑے رہے
ظالم سے ایک بوسے پہ برسوں رہی ہے ضد
آخر تک اپنی بات پہ ہم بھی اڑے رہے
شاید کہ ملتفت ہو کوئی شہسوار ناز
کس آرزو سے ہم سر منزل کھڑے رہے
فتنے بہت ہیں بت کدہ و خانقاہ میں
اچھے رہے جو دشت جنوں میں پڑے رہے
واصفؔ کا انتظار تھا صحرا میں بعد قیس
کانٹے بھی مدتوں یوں ہی پیاسے پڑے رہے
واصف دہلوی 
(825) ووٹ وصول ہوئے
In Urdu By Famous Poet Wasif Dehlvi. is written by Wasif Dehlvi. Enjoy reading Poem on Inspiration for Students, Youth, Girls and Boys by Wasif Dehlvi. Free Dowlonad by Wasif Dehlvi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends