اس کی تصویر کیا لگی ہوئی ہے
اس کی تصویر کیا لگی ہوئی ہے
پورے کمرے میں روشنی ہوئی ہے
کچھ بھی ترتیب میں نہیں تھا یہاں
اس کے آنے سے بہتری ہوئی ہے
دل کسی اور جا اڑا ہوا ہے
روح کسی اور میں پھنسی ہوئی ہے
کیسے کہہ دوں میں حال دل اس سے
وہ مرے سامنے بڑی ہوئی ہے
جیت جاتی ہے مجھ سے باتوں میں
بڑے اسکول کی پڑھی ہوئی ہے
دوست تو وہ بہت پرانی تھی
ہاں محبت نئی نئی ہوئی ہے
اس کے رونے سے موسموں میں نمی
اس کے ہنسنے سے دھوپ سی ہوئی ہے
میرے شعروں میں اور کچھ نہ سہی
اس کی خوشبو رچی بسی ہوئی ہے
اب تو حالات کافی بہتر ہیں
ورنہ پہلے تو شاعری ہوئی ہے
آپ مت ڈھونڈیے گا کچھ اس میں
یہ غزل اس کے نام کی ہوئی ہے
وسیم تاشف 
(789) ووٹ وصول ہوئے
In Urdu By Famous Poet Waseem Tashif. is written by Waseem Tashif. Enjoy reading Poem on Inspiration for Students, Youth, Girls and Boys by Waseem Tashif. Free Dowlonad by Waseem Tashif in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends