خونی قلعہ
بہت ہی سخت بہت ہی طویل ہے یہ گھڑی
اس عہد قہقری کا ہر قدم ہے ایک صدی
یہ عہد جس پہ کئی نسلوں کی ہے گرد پڑی
یہ پیر زال یہ قلعہ کنار آب رواں
بھڑکتے شعلوں کے مانند جس کا ہر گنبد
یہ کنگرے ہیں کہ ہیں بھٹیوں کے انگارے
جلا کے رکھ دیئے جن کی تپش نے لاکھوں مکاں
یہ ہے علامت فسطائیت گراؤ سے
ہمارے بچوں کے اسکول سے ہٹاؤ اسے
یہ خونی قلعہ کا پھاٹک ہے یا دہان جہیم
فصیل سنگ عبارت ہے خوں کے دھبوں سے
دیئے لہوں کے فروزاں کیے ہوئے ہر طاق
ہے جن کے سامنے خیرہ طلا و گوہر و سیم
صدائے رقص نکلتی ہوئی جھرونکوں سے
کسی حسینۂ فرعون کا محل جیسے
ستون مرمریں انگڑائی لے کے نیند میں چور
لباس برہنگی میں نہاں قلو پطرہ
میان نیل کوئی لاش دیکھ کر ہنس دے
اس عہد قہقری کا ہر قدم ہے ایک صدی
بہت ہی سخت بہت ہی طویل ہے یہ گھڑی
ندی یہ ہے کہ زمیں پر ہے ایک لاش پڑی
وامق جونپوری 
(677) ووٹ وصول ہوئے
In Urdu By Famous Poet Wamiq Jaunpuri. is written by Wamiq Jaunpuri. Enjoy reading Poem on Inspiration for Students, Youth, Girls and Boys by Wamiq Jaunpuri. Free Dowlonad by Wamiq Jaunpuri in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends