وہ تنہا میرے ہی درپئے نہیں ہے
وہ تنہا میرے ہی درپئے نہیں ہے
کسی سے خوش ہو یہ بھی طے نہیں ہے
یہاں کی مسندیں سب کے لیے ہیں
یہ میرا گھر ہے قصر کے نہیں ہے
ابھی غنچہ ابھی گل اور ابھی تخم
تو کیوں کہیے کہ ہستی ہے نہیں ہے
تغیر ارتقا دستور فطرت
نہ بدلے جو وہ کوئی شے نہیں ہے
مگس کی خاک پا نطفہ عنب کا
کشید گل مگس کی قے نہیں ہے
وہ کیسی شخصیت جس میں نہ ہو روح
وہ کیسا شیشہ جس میں مے نہیں ہے
وہ کیا جھرنا نہ جس سے راگ پھوٹے
وہ کیسا نغمہ جس میں لے نہیں ہے
وہ پھیکا وعظ جس میں کرب معدوم
وہ جھوٹا ساز جس میں نے نہیں ہے
وہ کیسی بزم جس میں سب ہوں گونگے
وہ جنت کیا جہاں ہر شے نہیں ہے
وہ کیا وامقؔ جو نچلا بیٹھ جائے
وہ کیسا فاصلہ جو طے نہیں ہے
وامق جونپوری 
(706) ووٹ وصول ہوئے
In Urdu By Famous Poet Wamiq Jaunpuri. is written by Wamiq Jaunpuri. Enjoy reading Poem on Inspiration for Students, Youth, Girls and Boys by Wamiq Jaunpuri. Free Dowlonad by Wamiq Jaunpuri in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends