رات کے سمندر میں غم کی ناؤ چلتی ہے
رات کے سمندر میں غم کی ناؤ چلتی ہے
دن کے گرم ساحل پر زندہ لاش جلتی ہے
اک کھلونا ہے گیتی توڑ توڑ کے جس کو
بچوں کی طرح دنیا روتی ہے مچلتی ہے
فکر و فن کی شہزادی کس بلا کی ہے ناگن
شب میں خون پیتی ہے دن میں زہر اگلتی ہے
زندگی کی حیثیت بوند جیسے پانی کی
ناچتی ہے شعلوں پر چشم نم میں جلتی ہے
بھوکے پیٹ کی ڈاین سوتی ہی نہیں اک پل
دن میں دھوپ کھاتی ہے شب میں پی کے چلتی ہے
پتیوں کی تالی پر جاگ اٹھے چمن والے
اور پتی پتی اب بیٹھی ہاتھ ملتی ہے
گھپ اندھیری راہوں پر مشعل حسام زر
ہے لہو میں ایسی تر بجھتی ہے نہ جلتی ہے
انقلاب دوراں سے کچھ تو کہتی ہی ہوگی
تیز ریل گاڑی جب پٹریاں بدلتی ہے
تشنگی کی تفسیریں مثل شمع ہیں وامقؔ
جو زبان کھلتی ہے اس سے لو نکلتی ہے
وامق جونپوری 
(800) ووٹ وصول ہوئے
In Urdu By Famous Poet Wamiq Jaunpuri. is written by Wamiq Jaunpuri. Enjoy reading Poem on Inspiration for Students, Youth, Girls and Boys by Wamiq Jaunpuri. Free Dowlonad by Wamiq Jaunpuri in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends