کوئی اپنے واسطے محشر اٹھا کر لے گیا
کوئی اپنے واسطے محشر اٹھا کر لے گیا
یعنی میرے خواب کا منظر اٹھا کر لے گیا
زخم خوردہ تھا یقیناً کوئی خوشبو آشنا
جو لگا تھا سر پہ وہ پتھر اٹھا کر لے گیا
گوشہ گوشہ آئنہ خانہ نظر آیا مجھے
خود کو جب باہر سے میں اندر اٹھا کر لے گیا
کیوں سرابوں کو سمجھتا ہے وہ بحر بیکراں
کیوں وہ میری ذات کا پیکر اٹھا کر لے گیا
کچھ نہ کچھ لے کر ہی کچھ دیتی ہے دنیا اس لیے
خود غرض دنیا سے میں دفتر اٹھا کر لے گیا
میں تو سنگ میل ہوں ہر راہ رو کے واسطے
کیا ملے گا کوئی مجھ کو گر اٹھا کر لے گیا
اطلس و کم خواب میں ملبوس تھا جس کا بدن
کیوں مری میلی سی وہ چادر اٹھا کر لے گیا
کل تلک جو کہہ رہا تھا میرے فن کو رائیگاں
آج وہ میرا غزل ساگر اٹھا کر لے گیا
کس نے مجھ کو انجمن میں کر دیا تنہا ولیؔ
کون میری فکر کا محور اٹھا کر لے گیا
ولی اللہ ولی 
(784) ووٹ وصول ہوئے
In Urdu By Famous Poet Waliullah Wali. is written by Waliullah Wali. Enjoy reading Poem on Inspiration for Students, Youth, Girls and Boys by Waliullah Wali. Free Dowlonad by Waliullah Wali in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends