مرے دل میں ہجر کے باب ہیں تجھے اب تلک وہی ناز ہے
مرے دل میں ہجر کے باب ہیں تجھے اب تلک وہی ناز ہے
جو یہ جی ہی لینے پہ ہے نظر تو قبول ہو یہ نماز ہے
یہی کھوج لینے کے واسطے پھروں ہوں میں ساتھ نسیم کے
کہ چمن میں کوئی ہے گل کہیں تری بو سے محرم راز ہے
کوئی اور قصہ شروع کر جو تمام کہہ سکے ہم نفس
کہ فسانہ زلف سیاہ کا شب ہجر سے بھی دراز ہے
ہوئی دل میں جب سے ہے شعلہ زن مری آتش عشق کی ہر نفس
جو پتنگ و شمع میں دیکھیے نہ وہ سوز ہے نہ گداز ہے
بخدا کہ مدت عشق میں یہی بات فرض ہے ناصحا
کہ صنم کے نقش قدم سوا نہیں سجدہ گاہ نماز ہے
نہ برابر اس کو بھی زاہدو گنو اپنے کعبے کی راہ کے
رہ عشق میں جو قدم رکھو تو بہت نشیب و فراز ہے
کوئی شغل اس سے نہیں بھلا کہ محبؔ ہو عشق میں مبتلا
اسی راہ حق کا بنے رہنما یہی عشق اگرچہ مجاز ہے
ولی اللہ محب 
(600) ووٹ وصول ہوئے
In Urdu By Famous Poet Waliullah Muhib. is written by Waliullah Muhib. Enjoy reading Poem on Inspiration for Students, Youth, Girls and Boys by Waliullah Muhib. Free Dowlonad by Waliullah Muhib in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends