اے دل آتا ہے چمن میں وہ شرابی تو پہنچ
اے دل آتا ہے چمن میں وہ شرابی تو پہنچ
لے کے پیالہ گل کا غنچہ کی گلابی تو پہنچ
بھر کے ساغر کیجیے خالی غم دوراں سے دل
اب نہ کر تاخیر اے ساقی شتابی تو پہنچ
پہنے قاصد جب تلک یک بار شرح اشتیاق
لے کر اے بیتاب دل کی اضطرابی تو پہنچ
خواہش دل ہے کہ کیجے سیر اقلیم جنوں
ٹک مدد کو اس کی اے خانہ خرابی تو پہنچ
جائے ہے تنہا شب تاریک میں وہ مہروش
آہ آتش بار لے کر ماہتابی تو پہنچ
تا نہ پھر شاعر لکھیں توصیف بالائے بتاں
مصرع موزون و شعر انتخابی تو پہنچ
جلوہ فرما آج ہے تخت چمن پر شاہ گل
لے کر اے پیک صبا چتر سحابی تو پہنچ
مشت خاک اپنی کو عالم میں نہ ضائع کر عزیز
ہند سے لے تا نجف اے بو ترابی تو پہنچ
اے محبؔ خواہش گزک کی ہو جو اس مے خوار کو
ہے ترا سینہ تو دوکان کبابی تو پہنچ
ولی اللہ محب 
(602) ووٹ وصول ہوئے
In Urdu By Famous Poet Waliullah Muhib. is written by Waliullah Muhib. Enjoy reading Poem on Inspiration for Students, Youth, Girls and Boys by Waliullah Muhib. Free Dowlonad by Waliullah Muhib in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends