آج دل بے قرار ہے میرا
آج دل بے قرار ہے میرا
کس کے پہلو میں یار ہے میرا
کیوں نہ عشاق پر ہوؤں منصور
جوں سپند آہ دار ہے میرا
بے قرار اس کا ہوں گا حشر میں بھی
یہی اس سے قرار ہے میرا
رنگ زرد اور سرشک سرخ تو دیکھ
کیا خزاں میں بہار ہے میرا
میرے قاتل کے کف حنائی نہیں
مشت خوں یادگار ہے میرا
کھول کر قبر دیکھ مشق جنوں
کہ کفن تار تار ہے میرا
آتے جاتے مگر تو ٹھکراوے
تیرے در پر مزار ہے میرا
آنکھ موندے ہے میری خاک سے بھی
یاں تک اس کو غبار ہے میرا
جیتے رہو کیوں ہوئے رقیب کے ہار
یہی سینے میں خار ہے میرا
تیرے کوچے کے سگ کی پا بوسی
باعث افتخار ہے میرا
بندۂ یار عزلتؔ مرحوم
نقش لوح مزار ہے میرا
ولی عزلت 
(677) ووٹ وصول ہوئے
In Urdu By Famous Poet Wali Uzlat. is written by Wali Uzlat. Enjoy reading Poem on Inspiration for Students, Youth, Girls and Boys by Wali Uzlat. Free Dowlonad by Wali Uzlat in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends