رخصت نطق زبانوں کو ریا کیا دے گی
رخصت نطق زبانوں کو ریا کیا دے گی
درس حق گوئی کا یہ بنت خطا کیا دے گی
سجدہ کرتی ہے لئیموں کے دروں پر دنیا
بے نیازوں کو یہ بے شرم بھلا کیا دے گی
یہی ہوگا کہ نہ آئے گی کبھی گھر میرے
مجھ کو دنیائے دنی اور سزا کیا دے گی
سال ہا سال کے طوفاں میں بھی دل بجھ نہ سکا
زک اسے سرکشی موج ہوا کیا دے گی
کوئی موسم ہو مہکتے ہیں یہاں زخم کے پھول
میرے دامن کو تہی دست صبا کیا دے گی
دل تو کچھ کہتا ہے پر شرم سے اٹھتے نہیں ہاتھ
دیکھنا ہے کہ یہ بے دست دعا کیا دے گی
خواہش مرگ ہے کچھ پانے کی موہوم امید
زندگی دے نہ سکی کچھ تو قضا کیا دے گی
خواب دیکھے ہیں تو بیدار رہو عمر تمام
چشم خوابیدہ کو تعبیر صلا کیا دے گی
اسی زندان میں اب کاٹ دو عمر اپنی وحیدؔ
میں نہ کہتا تھا تمہیں قید وفا کیا دے گی
وحید اختر 
(614) ووٹ وصول ہوئے
In Urdu By Famous Poet Waheed Akhtar. is written by Waheed Akhtar. Enjoy reading Poem on Inspiration for Students, Youth, Girls and Boys by Waheed Akhtar. Free Dowlonad by Waheed Akhtar in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends