تم نے ہمارا ساتھ دیا تو خود کو ہم پا جائیں گے
تم نے ہمارا ساتھ دیا تو خود کو ہم پا جائیں گے
ورنہ اپنی ذات سے ہمدم پھر دھوکا کھا جائیں گے
کڑی دھوپ میں ہم لے آئے اپنے کومل گیتوں کو
ان کے پھول سے چہرے دیکھیں دھوپ میں کمھلا جائیں گے
آنکھیں موند کے چلنے والے دھن کے پکے نکلے تو
چلتے چلتے اک دن آخر منزل کو پا جائیں گے
کون ہواؤں کے پر باندھے کون ہمارا رستہ روکے
آگ کا دریا ہوگا تو بھی تیر کے ہم آ جائیں گے
دانائی کے شہر کے باسی پاگل پن کے جنگل میں
جنگل والو آنکھ بچا کر آگ سی بھڑکا جائیں گے
من کی آنکھ کھلے تو سمجھو نور کا زینہ چڑھنا ہے
ورنہ تن کی آنکھ کے شیشے دھوپ میں دھندلا جائیں گے
درد ہوا کا پیچھا کرنا سب کے بس کی بات نہیں
اپنا پیچھا کرتے کرتے دوست بھی اکتا جائیں گے
وشو ناتھ درد 
(585) ووٹ وصول ہوئے
In Urdu By Famous Poet Vishvanath Dard. is written by Vishvanath Dard. Enjoy reading Poem on Inspiration for Students, Youth, Girls and Boys by Vishvanath Dard. Free Dowlonad by Vishvanath Dard in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends