مانتا نہیں میری حجتیں بھی کرتا ہے
مانتا نہیں میری حجتیں بھی کرتا ہے
بات بات میں اپنی جدتیں بھی کرتا ہے
آگ بھی لگاتا ہے آپ اپنے دامن میں
پھر اسے بجھانے کو بارشیں بھی کرتا ہے
عشق خود سے ہے اس کو اور خود ہی وہ پاگل
اپنا آپ کھونے کی سازشیں بھی کرتا ہے
دل میں جیتے رہنے کی آس بڑھتی رہتی ہے
ساتھ ساتھ مرنے کی خواہشیں بھی کرتا ہے
جاں کنی کے عالم میں یاد کر کے پیاروں کو
موت کے فرشتے سے منتیں بھی کرتا ہے
مجھ سے تھوڑا ڈرتا ہے پاس یوں نہیں آتا
باقیوں سے تو اکثر خلوتیں بھی کرتا ہے
مجھ سے کہتا رہتا ہے خوش رہا کرو ناں تم
اور دل دکھانے کی حرکتیں بھی کرتا ہے
بات بھی نہیں کرتا مجھ سے اور پھر اپنی
ایک ایک عادت میں منطقیں بھی کرتا ہے
کچھ الگ سا ہے سب سے کچھ عجب وہ ہے زہراؔ
اپنی ہر محبت میں شدتیں بھی کرتا ہے
عروج زہرا زیدی 
(948) ووٹ وصول ہوئے
In Urdu By Famous Poet Urooj Zehra Zaidi. is written by Urooj Zehra Zaidi. Enjoy reading Poem on Inspiration for Students, Youth, Girls and Boys by Urooj Zehra Zaidi. Free Dowlonad by Urooj Zehra Zaidi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends