وہ دھیان کی راہوں میں جہاں ہم کو ملے گا
وہ دھیان کی راہوں میں جہاں ہم کو ملے گا
بس ایک چھلاوے سا کوئی دم کو ملے گا
انجانی زمینوں سے مجھے دے گا صدا وہ
نیرنگ نوا شوق کی سرگم کو ملے گا
میں اجنبی ہو جاؤں گا خود اپنی نظر میں
جس دم وہ مرے دیدۂ پر نم کو ملے گا
جو نقش کہ ارژنگ زمانہ میں نہیں ہے
اس دل کے دھڑکتے ہوئے البم کو ملے گا
رت وصل کی آئے گی چلی جائے گی لیکن
کچھ رنگ تو یوں ہجر کے موسم کو ملے گا
یہ دل کہ ہے ٹھکرایا ہوا سارے جہاں کا
گھر ایک یہی ہے جو ترے غم کو ملے گا
پتھر ہے تو ٹھوکر میں رہے پائے طلب کی
دل ہے تو اسی طرۂ پر خم کو ملے گا
گر شیشۂ مے ہے تو ہو اوروں کو مبارک
ہے جام جہاں بیں تو فقط جم کو ملے گا
لہراتے رہیں گے چمنستاں میں شرارے
خار و خس و خاشاک ہی عالم کو ملے گا
معلوم ہے عرفیؔ جو ہے قسمت میں ہماری
صحرا ہی کوئی گریۂ شبنم کو ملے گا
عرفی آفاقی 
(590) ووٹ وصول ہوئے
In Urdu By Famous Poet Urfi Aafaqi. is written by Urfi Aafaqi. Enjoy reading Poem on Inspiration for Students, Youth, Girls and Boys by Urfi Aafaqi. Free Dowlonad by Urfi Aafaqi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends