وہ اولیں درد کی گواہی سجی ہوئی بزم خواب جیسے
وہ اولیں درد کی گواہی سجی ہوئی بزم خواب جیسے
وہ چشم سرمہ کلام کرتی وہ سارے چہرے کتاب جیسے
وہ آنکھ سایہ فگن ہے دل پر جو بے خودی کا ہے استعارہ
گھلی ہوئی نیلگوں سمندر میں طلعت ماہتاب جیسے
بس ایک دھماکہ کہ رات کی سرحدوں کا کچھ تو سراغ پائیں
بس ایک چنگاری چاہتا ہو فتیلۂ آفتاب جیسے
وہ جس کی پاداش میں سحر زاد اپنی آنکھیں گنوا چکے ہیں
اک اور تعبیر چاہتے ہوں وہ اولیں شب کے خواب جیسے
وہ موج سرکش جو ساحلوں کو ڈبو گئی کیسے ٹوٹتی ہے
اس ایک منظر کے دیکھنے کو کھلی ہو چشم حباب جیسے
مری مژہ سے ٹپکتا آنسو ہو جیسے ہر ڈوبتا ستارہ
لکھا گیا ہو مری ہی پلکوں پہ رت جگوں کا حساب جیسے
لہو جو رزق زمیں ہوا ہے وہ بارشوں میں دھلا نہیں ہے
تمام آئندہ موسموں کے ہو نام یہ انتساب جیسے
توصیف تبسم 
(605) ووٹ وصول ہوئے
In Urdu By Famous Poet Tauseef Tabassum. is written by Tauseef Tabassum. Enjoy reading Poem on Inspiration for Students, Youth, Girls and Boys by Tauseef Tabassum. Free Dowlonad by Tauseef Tabassum in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends