تھکن کی تلخیوں کو ارمغاں انمول دیتی ہے
تھکن کی تلخیوں کو ارمغاں انمول دیتی ہے
تری بولی مری چائے میں چینی گھول دیتی ہے
نہ جانے منتظر کس کی ہے اک نادان سی لڑکی
کوئی آہٹ جو سنتی ہے دریچہ کھول دیتی ہے
کہاں کانٹے بچھے ہوں گے کدھر سے آئیں گے پتھر
مری ماں خواب میں آ کر مجھے سب بول دیتی ہے
کہیں پر بیٹھ کر سنسان رستہ شام تک دیکھو
محبت اپنے ڈرامے میں یہی اک رول دیتی ہے
یہ تنہا رات راتوں کے علاوہ کچھ نہیں دیتی
مگر کچھ ہاتھ میں دیتی ہے تو انمول دیتی ہے
کبھی فاقہ کشی کا غم نہ چھت کی فکر ہے لیکن
غریبی بیٹیوں کا پہلے زیور مول دیتی ہے
کبھی درویش بن جاؤ تو مل جائے شہنشاہی
کبھی تو بادشاہت ہاتھ میں کشکول دیتی ہے
ہمارے گاؤں کے کھیتوں میں ساگرؔ پھول کھلتے ہیں
وہ مٹی اور ہوگی جو تمہیں پستول دیتی ہے
توفیق ساگر 
(708) ووٹ وصول ہوئے
In Urdu By Famous Poet Taufeeq Sagar. is written by Taufeeq Sagar. Enjoy reading Poem on Inspiration for Students, Youth, Girls and Boys by Taufeeq Sagar. Free Dowlonad by Taufeeq Sagar in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends