بے طلب کر کے ضرورت بھی چلی جائے اگر
بے طلب کر کے ضرورت بھی چلی جائے اگر
ڈر رہی ہوں کہ یہ وحشت بھی چلی جائے اگر
شام ہوتے ہی ستاروں سے یہ پوچھا اکثر
شام ہونے کی یہ صورت بھی چلی جائے اگر
اک ترا درد سلیقے سے سنبھالا لیکن
دیدۂ تر سے طراوت بھی چلی جائے اگر
یہ تو ہے خون جگر چاہئے لیکن اے دل
شعر کہنے کی رعایت بھی چلی جائے اگر
میں تو حیران پریشان یہی سوچتی ہوں
آئینہ خانے سے حیرت بھی چلی جائے اگر
اک نظر بھر کا ہی سودا چلو منظور ہمیں
کم نگاہی کی یہ مہلت بھی چلی جائے اگر
وہ گیا ہے تو مجھے کام ہی اب کوئی نہیں
کیا ہی اچھا ہو کہ فرصت بھی چلی جائے اگر
دل کے ملبے میں تمنا نے یہ حسرت سے کہا
کیا ہو تعمیر کی حسرت بھی چلی جائے اگر
تیری فرقت بڑی دشوار مگر ایسے میں
یاد کرنے کی سہولت بھی چلی جائے اگر
اب نشاط غم فرقت سے سوال اتنا ہے
تعزیہ داری کی لذت بھی چلی جائے اگر
تسنیم عابدی 
(787) ووٹ وصول ہوئے
In Urdu By Famous Poet Tasneem Abidi. is written by Tasneem Abidi. Enjoy reading Poem on Inspiration for Students, Youth, Girls and Boys by Tasneem Abidi. Free Dowlonad by Tasneem Abidi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends