Kya Main Jugnu Ko Aaftab Karun
kya main jugnu ko aaftab karun
ya charaghon ka intiKHab karun
dil ye kahta hai inqalab karun
pesh us ko main ek gulab karun
waqt ne kya nahin diya mujh ko
be-sabab waqt kyun KHarab karun
sar paTak kar ab us ke kuche mein
apni taqdir se hisab karun
main karun phir koi sawal naya
aur phir us ko la-jawab karun
zindagi ne to haar man hi li
kam-se-kam maut kaamyab karun
sab ke chehre pe ek chehra hai
kis ka chehra main be-naqab karun
Taruna Mishra 
(1874) Peoples Rate This