دور تک پرچھائیاں سی ہیں رہ افکار پر
دور تک پرچھائیاں سی ہیں رہ افکار پر
رینگتی پھرتی ہے چپ دل کے در و دیوار پر
تو کہ ہے بیٹھا خس اوہام کے انبار پر
اس طرح مت ہنس مرے شعلہ بکف اشعار پر
اے نظام وحشت افزا تیرے سناٹوں کی خیر
اک کرن ہنسنے لگی ہے رات کی تلوار پر
کرچنیں دل کی گھنی پلکوں پہ ہیں بکھری ہوئی
آئنہ ٹوٹا پڑا ہے سایۂ اسرار پر
شعر کہنے کی غرض سے میں نے اکثر رات بھر
پھول سے احساس کو رکھا ہے نوک خار پر
کیا یہی منزل تھی دل کی کیا اسی کے واسطے
گامزن برسوں رہا غم کی رہ دشوار پر
خوں کی بو آتی ہے پیہم صورت حالات سے
آنکھ روتی ہے لہو ہر سرخیٔ اخبار پر
کس حماقت کے عوض کس جرم کی پاداش میں
وقت نے کھینچا ہے مجھ کو زندگی کی دار پر
ایک مدت سے دل و جاں نے لگا رکھے ہیں کان
ان سنی سرگوشیوں کی رس بھری جھنکار پر
تخت سنگھ 
(776) ووٹ وصول ہوئے
In Urdu By Famous Poet Takht Singh. is written by Takht Singh. Enjoy reading Poem on Inspiration for Students, Youth, Girls and Boys by Takht Singh. Free Dowlonad by Takht Singh in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends