بند دریچوں کے کمرے سے پروا یوں ٹکرائی ہے
بند دریچوں کے کمرے سے پروا یوں ٹکرائی ہے
جیسے دل کے آنگن میں دکھیا نے تان لگائی ہے
پیڑوں کی خاموشی سے بھی دل میرا گھبراتا ہے
صحرا کی ویرانی دیکھ کے آنکھ مری بھر آئی ہے
دل کے صحرا میں یادوں کے جھکڑ ایسے چلتے ہیں
جیسے نین جھروکا بھی اس پریتم کی انگنائی ہے
اپنے دل میں یادوں نے زخموں کے پھول کھلائے ہیں
جسم کی اس دیوار کے اندر کس نے نقب لگائی ہے
پتا پتا شاخ سے ٹوٹے دروازوں پہ وحشت سی
یارو پریم کتھا میں کس نے درد کی تان ملائی ہے
دریا دریا ناؤ بہے تو گوری گیت پروتی جائے
ان گیتوں کی تان امر ہے جن کا رنگ جدائی ہے
پنچھی کی چہکار ہمیشہ جنگل کو گرماتی ہے
خلق خدا نے اپنے دل میں بس یہی یاد بسائی ہے
قدم قدم دکھ درد کے سائے شہر ہوئے ویرانے بھی
کس نے دیس کے پھولوں پر اب ہجر کی راکھ اڑائی ہے
تاج سعید 
(549) ووٹ وصول ہوئے
In Urdu By Famous Poet Taj Saeed. is written by Taj Saeed. Enjoy reading Poem on Inspiration for Students, Youth, Girls and Boys by Taj Saeed. Free Dowlonad by Taj Saeed in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends