نہیں اڑاؤں گا خاک رویا نہیں کروں گا
نہیں اڑاؤں گا خاک رویا نہیں کروں گا
کروں گا میں عشق پر تماشا نہیں کروں گا
مری محبت بھی خاص ہے کیونکہ خاص ہوں میں
سو عام لوگوں میں ذکر اس کا نہیں کروں گا
اسے بتاؤ فرار کا نام تو نہیں عشق
جو کہہ رہا ہے میں کار دنیا نہیں کروں گا
کبھی نہ سوچا تھا گفتگو بھی کروں گا گھنٹوں
اور اپنی باتوں میں ذکر تیرا نہیں کروں گا
ارادتاً جو کیا ہے اب تک غلط کیا ہے
سو اب کوئی کام بالارادہ نہیں کروں گا
تجھے میں اپنا نہیں سمجھتا اسی لیے تو
زمانے تجھ سے میں کوئی شکوہ نہیں کروں گا
مری توجہ فقط مرے کام پر رہے گی
میں خود کو ثابت کروں گا دعویٰ نہیں کروں گا
اگر میں ہارا تو مان لوں گا شکست اپنی
تری طرح سے کوئی بہانہ نہیں کروں گا
اگر کسی مصلحت میں پیچھے ہٹا ہوں تیمورؔ
تو مت سمجھنا کہ اب میں حملہ نہیں کروں گا
تیمور حسن 
(958) ووٹ وصول ہوئے
In Urdu By Famous Poet Taimur Hasan. is written by Taimur Hasan. Enjoy reading Poem on Inspiration for Students, Youth, Girls and Boys by Taimur Hasan. Free Dowlonad by Taimur Hasan in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends