حرف
وہ حرف آخر کہاں گیا ہے
وہ حرف جس کی تہوں میں اپنی
محبتوں کی جو اک کہانی چھپی ہوئی تھی
وہ اک کہانی کہ جس کی رو سے ہی عمر بھر کا
قرار پاتے بہار پاتے
محبتوں میں سرور دل کا سراغ پاتے
وہ حرف آخر کہاں گیا ہے
وہ حرف جو اک شجر کی صورت
ہمارے گلشن نما مکاں میں
بہت اذیت بھری فضا میں
خزاں کے موسم کے دائروں سے
گزر کے فصل بہار لاتا
وہ حرف آخر کہاں گیا ہے
وہ حرف ہی تو ہمارے سر پر
جو ایک سایہ نما شجر تھا
کہ جس کے سائے میں رہ کے ہم سب
دکھوں کے سارے
عذاب کے دن
خوشی خوشی ہی گزار لیتے
وہ حرف آخر
بچھڑ کے ہم سے
کہاں گیا ہے
یہ سارا قصہ
بیان کر کے
جو آج ہم نے کسی سے پوچھا
وہ غور کر کے
علامتوں کو سمجھ کے سنجیدگی سے بولا
عظیمؔ وہ حرف مر چکا ہے
طاہر عظیم 
(566) ووٹ وصول ہوئے
In Urdu By Famous Poet Tahir Azeem. is written by Tahir Azeem. Enjoy reading Poem on Inspiration for Students, Youth, Girls and Boys by Tahir Azeem. Free Dowlonad by Tahir Azeem in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends