ٹوٹ کر عہد تمنا کی طرح
ٹوٹ کر عہد تمنا کی طرح
معتبر ہم رہے فردا کی طرح
بے نیاز سر ساحل ہو کر
ہم بہے جاتے ہیں دریا کی طرح
شوق منزل تو بہت ہے لیکن
چلتے ہیں نقش کف پا کی طرح
جا ملیں گے کبھی گلزاروں سے
پھیلتے پھیلتے صحرا کی طرح
دیکھ کر حال پریشاں اپنا
ہم بھی ہنس لیتے ہیں دنیا کی طرح
کبھی پایاب کبھی طوفانی
ہم بھی ہیں دشت کے دریا کی طرح
محفل ناز میں رہئے لیکن
دیکھیے چشم تماشا کی طرح
مطمئن ایک تجلی سے نہیں
نگۂ جلوہ تقاضا کی طرح
اپنے دشمن سے ہوں واقف تابشؔ
کسی دیرینہ شناسا کی طرح
تابش دہلوی 
(658) ووٹ وصول ہوئے
In Urdu By Famous Poet Tabish Dehlvi. is written by Tabish Dehlvi. Enjoy reading Poem on Inspiration for Students, Youth, Girls and Boys by Tabish Dehlvi. Free Dowlonad by Tabish Dehlvi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends