منزلوں اس کو آواز دیتے رہے منزلوں جس کی کوئی خبر بھی نہ تھی
منزلوں اس کو آواز دیتے رہے منزلوں جس کی کوئی خبر بھی نہ تھی
دامن شب میں کوئی ستارہ نہ تھا شمع کوئی سر رہ گزر بھی نہ تھی
اک بگولہ اٹھا دشت میں کھو گیا اک کرن تھی جو ظلمت میں گم ہو گئی
زندگی جس کو سمجھے تھے ہم زندگی زندگی مثل رقص شرر بھی نہ تھی
فصل گل سے تھا آباد صحن چمن فصل گل جو گئی رونقیں لٹ گئیں
یوں خموشی سے شام خزاں آئے گی اہل گلشن کو اس کی خبر بھی نہ تھی
اس طرح منزل آرزو کٹ گئی اس طرح یہ گھنی تیرگی چھٹ گئی
اپنے پاؤں پہ یارو خراشیں تو کیا اپنے چہرے پہ گرد سفر بھی نہ تھی
پھر سے آنکھوں کے ساغر چھلکنے لگے موج در موج آنسو نکلنے لگے
تابؔ گھر میں وہ مہمان پھر آ گیا جس کے آنے کی کوئی خبر بھی نہ تھی
تاب اسلم 
(570) ووٹ وصول ہوئے
In Urdu By Famous Poet Tab Aslam. is written by Tab Aslam. Enjoy reading Poem on Inspiration for Students, Youth, Girls and Boys by Tab Aslam. Free Dowlonad by Tab Aslam in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends