نہ ہو تو جس میں وہ دل بھی ہے کیا دل
نہ ہو تو جس میں وہ دل بھی ہے کیا دل
نکما دل برا دل بد نما دل
بتوں کو دے دیا نام خدا دل
سخاؔ میری بھی کیا ہمت ہے کیا دل
اٹھے آغوش سے جب درد اٹھا
ہلے پہلو سے جب وہ ہل گیا دل
ابھی کمسن ہیں رسوائی کا ڈر ہے
نہیں لیتے کسی بدنام کا دل
سنگھا کر نکہت زلف معمبر
اڑا کر لے گئی باد صبا دل
پھرے مجھ سے تو گویا پھر گیا بخت
بڑھے میری طرف تو بڑھ گیا دل
وہی کاوش وہی سوزش وہی درد
ترا پیکان ہے گویا مرا دل
ہمیں بھی رنج و راحت کی خبر تھی
ہمارے پاس بھی طفلی سے تھا دل
مرے محبوب کے محبوب ہو تم
فدا ہوں دل پہ میں تم پر فدا دل
سنبھل ہی جائے گا انساں ہے یا رب
پگھل ہی جائے گا پتھر ہے یا دل
سخاؔ جو مجھ پہ گزرے گی سہوں گا
مرے سینے میں ہے اتنا بڑا دل
سید نظیر حسن سخا دہلوی 
(601) ووٹ وصول ہوئے
In Urdu By Famous Poet Syed Nazeer Hasan Sakha Dehlavi. is written by Syed Nazeer Hasan Sakha Dehlavi. Enjoy reading Poem on Inspiration for Students, Youth, Girls and Boys by Syed Nazeer Hasan Sakha Dehlavi. Free Dowlonad by Syed Nazeer Hasan Sakha Dehlavi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends