ذرا نہ ہم پہ کیا اعتبار گزری ہے
ذرا نہ ہم پہ کیا اعتبار گزری ہے
یہ روح جسم سے بیگانہ وار گزری ہے
ہمیں گماں بھی نہ تھا ان کی طبع نازک پر
ذرا سی بات ستائش کی بار گزری ہے
خرد کے زور سے ہمت کے بال و پر لے کر
کہاں کہاں سے یہ مشت غبار گزری ہے
کٹے گا کیسے یہ ویران بے سہارا دن
ابھی تو صرف شب انتظار گزری ہے
بدون زخم نہ روئیں گے پاؤں کے چھالے
بہے سرشک جہاں نوک خار گزری ہے
کہاں ہے عارض خورشید نیم روز کہ عمر
میان کاکل شب ہائے تار گزری ہے
چھپا لبوں پہ تبسم عیاں جبیں پہ شکن
ہنسی کی بات انہیں ناگوار گزری ہے
گئی جدھر سے وہ مدہوش ہو گئی محفل
مگر وہ شوخ نظر ہوشیار گزری ہے
عقب میں اپنے چھپائے ہزارہا پیکاں
نظر کے سامنے مژگان یار گزری ہے
ہجوم شوق کے ہاتھوں گلے پہ حامدؔ کے
نہ پوچھئے جو دم اختصار گزری ہے
سید حامد 
(674) ووٹ وصول ہوئے
In Urdu By Famous Poet Syed Hamid. is written by Syed Hamid. Enjoy reading Poem on Inspiration for Students, Youth, Girls and Boys by Syed Hamid. Free Dowlonad by Syed Hamid in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends