عقل کی جان پر بن آئی ہے
عقل کی جان پر بن آئی ہے
عشق سے زور آزمائی ہے
حسن زا ہے جمال کا پندار
حسن پندار خود نمائی ہے
لاجونتی کو ہے گمان نظر
ہم نے دیکھا نہیں لجائی ہے
جنس دل کا نہ تھا کوئی گاہک
آپ نے کس لیے چرائی ہے
ہاتھ یا رب دعا میں پھیلانا
قطع احساس نارسائی ہے
قہر سے اخذ بھاپ کی طاقت
حسن سے وصف کہربائی ہے
ڈھونڈھتی ہیں وہ منفعل نظریں
داد محفل سے اٹھ کے پائی ہے
عشق کیا جرم ہے کہ اخفا کو
آپ نے مشکل یہ بنائی ہے
کہہ رہی ہے حکایت تیمور
لنگ عذر شکستہ پائی ہے
ہے ہمارے لیے خدا کافی
آپ کے واسطے خدائی ہے
خلق کے حسن خلق سے بہتر
آپ کی وضع کج ادائی ہے
سید حامد 
(567) ووٹ وصول ہوئے
In Urdu By Famous Poet Syed Hamid. is written by Syed Hamid. Enjoy reading Poem on Inspiration for Students, Youth, Girls and Boys by Syed Hamid. Free Dowlonad by Syed Hamid in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends