آئی نہیں کیا قید ہے گلشن میں صبا بھی
آئی نہیں کیا قید ہے گلشن میں صبا بھی
آنے لگی زنجیر کی کانوں میں صدا بھی
پا جائے گا دل اس میں بھی تخصیص کے پہلو
معلوم یہ ہوتا تو نہ کرتے وہ جفا بھی
ڈھونڈا کئے ہر گام پہ ہاتھوں کا سہارا
بھولے سے کبھی بہر دعا ہاتھ اٹھا بھی
شانے پہ بکھیرے ہوئے نکھری ہوئی زلفیں
برسی بھی تو گھنگھور عجب ہے یہ گھٹا بھی
بھایا ہے جو مکھڑے کو چھپانے کا طریقہ
دیکھو کبھی آنکھوں کو چرانے کی ادا بھی
جیسے ہو کنول آب میں پاکیزہ طبیعت
رہتے ہوئے دنیا میں ہیں دنیا سے جدا بھی
ہر آن جفا جان کے کرتے ہو ستم ہے
ہر سانس یہ کہتی ہے کہ ہو جان وفا بھی
آنکھیں یہ بتاتی ہیں کہ دل اور کہیں ہے
کہنا تھا مجھے تم سے ابھی اس کے سوا بھی
ممکن ہے گرے کوئی ہمالہ سے تو اٹھ جائے
حامدؔ کبھی اٹھا ہے نگاہوں سے گرا بھی
سید حامد 
(575) ووٹ وصول ہوئے
In Urdu By Famous Poet Syed Hamid. is written by Syed Hamid. Enjoy reading Poem on Inspiration for Students, Youth, Girls and Boys by Syed Hamid. Free Dowlonad by Syed Hamid in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends