وجود کو جگر معتبر بناتے ہیں
وجود کو جگر معتبر بناتے ہیں
علم پہ ہاتھ تو نیزوں پہ سر بناتے ہیں
چمن بھی ہو کوئی انبوہ خار و خس جیسے
یہ کارخانے تو برگ و ثمر بناتے ہیں
ہوا کا تبصرہ یہ ساکنان شہر پہ تھا
عجیب لوگ ہیں پانی پہ گھر بناتے ہیں
قرین عقل ہے کیا کوئی سوچتا ہی نہیں
خبر اڑانے سے پہلے خبر بناتے ہیں
نہیں یہ شرط کہ سب تیز گام ہو جائیں
جو دیدہ ور ہیں انہیں ہم سفر بناتے ہیں
کڑی ہو دھوپ تو دو پھول پیار کے ہنس کر
تپسیدہ راہوں میں شاخ شجر بناتے ہیں
کمال کبر سے کہتا تھا چارہ گر میرا
کہ ہم تفنگ و سناں پشت پر بناتے ہیں
کبھی سکوں کبھی جوش جنوں کبھی حیرت
مرا مزاج مرے کوزہ گر بناتے ہیں
کیا رہین ہنر ہم کو نارسائی نے
اداس بانہوں میں شمس و قمر بناتے ہیں
خیال خیر حسینوں میں ہے کہ وقت خرام
زمیں کو معدن لعل و گہر بناتے ہیں
سید امین اشرف 
(601) ووٹ وصول ہوئے
In Urdu By Famous Poet Syed Amin Ashraf. is written by Syed Amin Ashraf. Enjoy reading Poem on Inspiration for Students, Youth, Girls and Boys by Syed Amin Ashraf. Free Dowlonad by Syed Amin Ashraf in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends