سینے میں آگ آنکھ سوئے در لگی رہے
سینے میں آگ آنکھ سوئے در لگی رہے
کام انتظار یار میں اے دل یہی رہے
پہلو کے ساتھ چاک جگر بھی ضرور ہے
خنجر کے ساتھ ایک قرولی لگی رہے
دعوت مہ صیام کی لازم ہے زاہدو
دس بیس روز مشغلۂ مے کشی رہے
اے طفل ڈر ہے چشم بد پر چرخ کا
ہیکل ضرور تیرے گلے میں پڑی رہے
سو لطف وصل اٹھائیں گے اک اور لے کے نیند
احسان ہے جو مرغ سحر چپ ابھی رہے
تین آسمانوں سے نہیں چھپتا ہے آفتاب
کب اک نقاب سے تری صورت چھپی رہے
آؤ نہ میرے گھر تو نہ جاؤ کسی کے گھر
میری خوشی رہے نہ تمہاری خوشی رہے
سونے کے وقت اے گل تر عطر کیا ضرور
تیری گلی میں رات کو چمپا کلی رہے
حکم شراب دے تو دعا دوں کہ اے فقیہ
مستوں کے ہاتھ سے تری عزت بچی رہے
یہ غرۂ رجب سے وفور شراب ہو
خالی کے بعد تک بھی طبیعت بھری رہے
خالی نہ کوئی شعر ہو بندش کے نور سے
اے مہرؔ عالم غزل انوریؔ رہے
سید آغا علی مہر 
(586) ووٹ وصول ہوئے
In Urdu By Famous Poet Syed Agha Ali Mehr. is written by Syed Agha Ali Mehr. Enjoy reading Poem on Inspiration for Students, Youth, Girls and Boys by Syed Agha Ali Mehr. Free Dowlonad by Syed Agha Ali Mehr in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends