کسی کی عشوہ گری سے بہ غیر فصل بہار (ردیف .. و)
کسی کی عشوہ گری سے بہ غیر فصل بہار
سبھی کا چاک گریباں ہے دیکھیے کیا ہو
تمہیں خبر ہی نہیں اے طیور نغمہ سرا
یہی چمن یہی زنداں ہے دیکھیے کیا ہو
جہاں کشود نوا پر خزاں کے پہرے ہیں
وہیں بہار غزل خواں ہے دیکھیے کیا ہو
سبو اٹھا کہ یہ نازک مقام ہے ساقی
نہ اہرمن ہے نہ یزداں ہے دیکھیے کیا ہو
رواں ہے موج گل و لالہ موج خوں کی طرح
چمن شہید بہاراں ہے دیکھیے کیا ہو
درازی شب ہجراں سے مجھ کو خوف نہ تھا
کسی کی زلف پریشاں ہے دیکھیے کیا ہو
ہوا کا رنگ یہ ہے آشیاں تو ایک طرف
قفس بھی شاخ پہ لرزاں ہے دیکھیے کیا ہو
یہی ہے دل سے شکایت کہ میرا محرم راز
مجھی سے دست و گریباں ہے دیکھیے کیا ہو
ہمیں ہیں پیر مغاں کافروں کے اے عابدؔ
ہمیں کو دعویٰ ایماں ہے دیکھیے کیا ہو
سید عابد علی عابد 
(488) ووٹ وصول ہوئے
In Urdu By Famous Poet Syed Aabid Ali Aabid. is written by Syed Aabid Ali Aabid. Enjoy reading Poem on Inspiration for Students, Youth, Girls and Boys by Syed Aabid Ali Aabid. Free Dowlonad by Syed Aabid Ali Aabid in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends