الٹے سیدھے گرے پڑے ہیں پیڑ
الٹے سیدھے گرے پڑے ہیں پیڑ
رات طوفان سے لڑے ہیں پیڑ
کون آیا تھا کس سے بات ہوئی
آنسوؤں کی طرح جھڑے ہیں پیڑ
باغباں ہو گئے لکڑہارے
حال پوچھا تو رو پڑے ہیں پیڑ
کیا خبر انتظار ہے کس کا
سال ہا سال سے کھڑے ہیں پیڑ
جس جگہ ہیں نہ ٹس سے مس ہوں گے
کون سی بات پر اڑے ہیں پیڑ
کونپلیں پھول پتیاں دیکھو
کون کہتا ہے یہ کڑے ہیں پیڑ
جیت کر کون اس زمیں کو گیا
پرچموں کی طرح گڑے ہیں پیڑ
اپنی دنیا کے لوگ لگتے ہیں
کچھ ہیں چھوٹے تو کچھ بڑے ہیں پیڑ
عمر بھر راستوں پہ رہتے ہیں
شاعری پر سبھی پڑے ہیں پیڑ
موت تک دوستی نبھاتے ہیں
آدمی سے بہت بڑے ہیں پیڑ
اپنا چہرہ نہار لیں رتویں
آئینوں کی طرح جڑے ہیں پیڑ
سوریا بھانو گپت 
(1176) ووٹ وصول ہوئے
In Urdu By Famous Poet Suryabhanu Gupt. is written by Suryabhanu Gupt. Enjoy reading Poem on Inspiration for Students, Youth, Girls and Boys by Suryabhanu Gupt. Free Dowlonad by Suryabhanu Gupt in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends