خواب دیکھتا ہوں
میں اک حسیں خواب دیکھتا ہوں
میں دیکھتا ہوں
وہ کشت ویراں
کہ سالہا سال سے
جو ابر کو بھی ترس رہی تھی
وہ کشت ویراں
کہ جس کے لب خشک ہو چکے تھے
جو ابر نیساں کی منتظر تھی
جو کتنی صدیوں سے
باد و باراں کی منتظر تھی
میں دیکھتا ہوں
اس اپنی مغموم کشت ویراں پہ
کچھ گھٹا نہیں
جو آج لہرا کے چھا گئی ہیں
یہ سرد ہوا کے جھونکے
نہ رک سکے جو کسی کے روکے
ذرا تمازت جو کم ہوئی ہے
حیات کچھ محترم ہوئی ہے
میں اک حسیں خواب دیکھتا ہوں
میں دیکھتا ہوں
کہ جیسے شب کی سیاہ چادر
سمٹ رہی ہے
وہ تیرگی
ہم جسے مقدر سمجھ چکے تھے
وہ چھٹ رہی ہے
میں دیکھتا ہوں
کہ صبح فردا
ہزار رعنائیاں جلو میں
لیے مسکرا رہی ہے
میں دیکھتا ہوں
جبیں افق کی جو نور فردا سے ہے منور
سحر کا پیغام دے رہی ہے
جو روشنی کا
جو زندگی کا
ہر اک کو انعام دے رہی ہے
سرور بارہ بنکوی 
(787) ووٹ وصول ہوئے
In Urdu By Famous Poet Suroor Barabankvi. is written by Suroor Barabankvi. Enjoy reading Poem on Inspiration for Students, Youth, Girls and Boys by Suroor Barabankvi. Free Dowlonad by Suroor Barabankvi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends