نوک شمشیر کی گھات کا سلسلہ یوں پس آئنہ کل اتارا گیا
نوک شمشیر کی گھات کا سلسلہ یوں پس آئنہ کل اتارا گیا
میری پہچان کے عکس جتنے بنے کوئی زخمی ہوا کوئی مارا گیا
غیر محسوس رستوں سے آتی رہی اک صدا واپسی کی مرے کان میں
گویا گونگے اشاروں کی دہلیز پر مجھ کو آنکھوں سے اس دن پکارا گیا
یہ نہ پوچھے کوئی موسم رنگ کی پہلی پہلی عداوت نے کیا دکھ دیئے
پھول کی آگ پر شب گزاری گئی خار کی نوک پر دن گزارا گیا
آج اس کے لہو کی ہر اک بوند کے زرد ہونے پہ خوشیاں منائی گئیں
کچھ دنوں پہلے جس رہنما کے لئے چاند تاروں سے رستہ سنوارا گیا
آپ پی پی کے لمحوں کی سب بارشیں زندگی کے مکاں پر برستی رہیں
اس لیے تو پگھل کر مرے جسم کی ساری مٹی گئی سارا گارا گیا
وہ جو اونچے محل تھے مرے سامنے غور سے ان کو دیکھا تو مجھ پر کھلا
کن مناروں سے چاندی چرائی گئی کن مناروں سے سونا اتارا گیا
سورج نرائن 
(644) ووٹ وصول ہوئے
In Urdu By Famous Poet Suraj Narayan. is written by Suraj Narayan. Enjoy reading Poem on Inspiration for Students, Youth, Girls and Boys by Suraj Narayan. Free Dowlonad by Suraj Narayan in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends