چھین لے قوت بینائی خدایا مجھ سے
چھین لے قوت بینائی خدایا مجھ سے
دیکھا جاتا نہیں اب تیرا تماشا مجھ سے
ایک مدت سے عزا دار علم دار ہوں میں
ٹوٹنے والا نہیں پیاس کا رشتہ مجھ سے
گھٹتا رہتا ہوں میں ویران حویلی کی طرح
بھاگتا پھرتا ہے ہنگامۂ دنیا مجھ سے
اب کسی میں بھی یہاں تاب سماعت نہ رہی
کوئی سنتا ہی نہیں ہے مرا قصہ مجھ سے
مجھ کو ہر لمحہ قناعت نے سرافراز کیا
مفلسی ورنہ ترا بوجھ نہ اٹھتا مجھ سے
چین سے کٹتی ہے اب خیمۂ گمنامی میں
کوئی رشتہ ہی نہیں خلق خدا کا مجھ سے
دیکھتا ہی نہیں وہ میری بلندی کی طرف
یعنی شرمندہ ہے اب وقت کا زینہ مجھ سے
فاقہ مستی میں بھی قائم ہے مری کج کلہی
اور کیا چاہتی ہے عظمت رفتہ مجھ سے
کب اتاروگے مرے جسم سے غربت کا لباس
پوچھتی ہے مری دیوار شکستہ مجھ سے
سلطان اختر 
(744) ووٹ وصول ہوئے
In Urdu By Famous Poet Sultan Akhtar. is written by Sultan Akhtar. Enjoy reading Poem on Inspiration for Students, Youth, Girls and Boys by Sultan Akhtar. Free Dowlonad by Sultan Akhtar in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends