کسی کی یاد میں شمعیں جلانا بھول جاتا ہے
کسی کی یاد میں شمعیں جلانا بھول جاتا ہے
کوئی کتنا ہی پیارا ہو زمانہ بھول جاتا ہے
کسی دن بے نیازی اس کی مجھ کو مار ڈالے گی
خفا کرتا ہے وہ لیکن منانا بھول جاتا ہے
رخ روشن پہ زلفوں کا یہ گرنا جان لیوا ہے
اور اس پر یہ ستم دلبر ہٹانا بھول جاتا ہے
اگر ہے بھولنا مجھ کو کسی سے پیار کر لینا
نیا بنتا ہے جب رشتہ پرانا بھول جاتا ہے
اسی باعث میں سینے سے اسے اڑنے نہیں دیتا
یہ دل ایسا پرندہ ہے ٹھکانا بھول جاتا ہے
ہمیں ہے وصل کی خواہش مگر یہ کام دنیا کے
میں جانا بھول جاتا ہوں وہ آنا بھول جاتا ہے
کسی سے کیا کروں شکوہ ملے ہیں زخم ہی ایسے
کہ جن پر وقت بھی مرہم لگانا بھول جاتا ہے
کوئی آسیب ہے شاید تمہارے شہر میں ثانیؔ
یہاں پہ رہنے والا مسکرانا بھول جاتا ہے
سہیل ثانی 
(628) ووٹ وصول ہوئے
In Urdu By Famous Poet Suhail Sani. is written by Suhail Sani. Enjoy reading Poem on Inspiration for Students, Youth, Girls and Boys by Suhail Sani. Free Dowlonad by Suhail Sani in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends