ان دنوں تیز بہت تیز ہے دھارا میرا
ان دنوں تیز بہت تیز ہے دھارا میرا
دونوں جانب سے ہی کٹتا ہے کنارا میرا
سرد ہو جاتی ہے ہر آگ بالآخر اک دن
دیکھیے زندہ ہے کب تک یہ شرارہ میرا
نفع در نفع سے بھی کیا کبھی زائل ہوگا
روح پر بوجھ بنا ہے جو خسارہ میرا
ہے یہ عالم کہ نہیں خود کو میسر میں بھی
کیسے اب ہوتا ہے مت پوچھ گزارا میرا
یہی چکر مجھے مرکز سے الگ رکھتا ہے
خوش نصیبی ہے کہ گردش میں ہے تارا میرا
میری مجبوری ہے لفظوں میں نہیں کہہ سکتا
اور سمجھتا ہی نہیں کوئی اشارہ میرا
خاص نمبر کئی باقی ہیں مرتب کرنے
ہے جہاں تیرا بس اک عام اشارہ میرا
لوگ حیرت ہے سمجھتے ہیں مجھے غیرت مند
بات بے بات جو چڑھ جاتا ہے پارہ میرا
وہ نظر ہو جو مجھے چاک ہی کر ڈالے سہیلؔ
ورنہ کھلنے کا نہیں رمز نظارہ میرا
سہیل اختر 
(544) ووٹ وصول ہوئے
In Urdu By Famous Poet Suhail Akhtar. is written by Suhail Akhtar. Enjoy reading Poem on Inspiration for Students, Youth, Girls and Boys by Suhail Akhtar. Free Dowlonad by Suhail Akhtar in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends