یہ انقلاب بھی اے دور آسماں ہو جائے
یہ انقلاب بھی اے دور آسماں ہو جائے
مرا قفس بھی مقدر سے آشیاں ہو جائے
مآل ضبط فغاں مرگ ناگہاں ہو جائے
کسی طرح تو مکمل یہ داستاں ہو جائے
سمجھ تو لیں گے وہ مجھ سے اگر بیاں ہو جائے
سکوت حد سے گزر جائے تو زیاں ہو جائے
قفس سے دور سہی موسم بہار تو ہے
اسیرو آؤ ذرا ذکر آشیاں ہو جائے
دیا ہے درد تو رنگ قبول دے ایسا
جو اشک آنکھ سے ٹپکے وہ داستاں ہو جائے
زبان خشک بھی جنبش میں لا نہیں سکتے
یہ بے بسی بھی نہ منجملۂ فغاں ہو جائے
قفس بھی بگڑی ہوئی شکل ہے نشیمن کی
یہ گھر جو پھر سے سنور جائے آشیاں ہو جائے
نگاہ گرم سے دیکھو نہ اشک حسرت کو
یہ چاہتے ہو کہ یہ اوس بھی دھواں ہو جائے
حیات نوک مژہ تک ہے اشک رنگیں کی
پلک ذرا سی بھی جھپکے تو رائیگاں ہو جائے
سراجؔ دیکھ لو بے آنسوؤں کے بھی رو کے
یہ سعی بھی نہ کہیں سعیٔ رائیگاں ہو جائے
سراج لکھنوی 
(552) ووٹ وصول ہوئے
In Urdu By Famous Poet Siraj Lakhnavi. is written by Siraj Lakhnavi. Enjoy reading Poem on Inspiration for Students, Youth, Girls and Boys by Siraj Lakhnavi. Free Dowlonad by Siraj Lakhnavi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends