تجھے پا کے تجھ سے جدا ہو گئے ہم
تجھے پا کے تجھ سے جدا ہو گئے ہم
کہاں کھو دیا تو نے کیا ہو گئے ہم
محبت میں اک سانحا ہو گئے ہم
ابھی تھے ابھی جانے کیا ہو گئے ہم
محبت تو خود حسن ہے حسن کیسا
یہ کس وہم میں مبتلا ہو گئے ہم
یہ کیا کر دیا انقلاب محبت
ذرا آئینہ لا یہ کیا ہو گئے ہم
حقیقت میں بندہ بھی بننا نہ آیا
سمجھتے ہیں دل میں خدا ہو گئے ہم
قیامت تھا تجھ سے نگاہوں کا ملنا
زمانے سے نا آشنا ہو گئے ہم
نہ راس آئیں آخر ہمیں ٹھنڈی سانسیں
عجب ساز تھے بے صدا ہو گئے ہم
تصور میں بل پڑ گئے ابروؤں پر
یہ کس بے وفا سے خفا ہو گئے ہم
گداز محبت ہمیں دل بنا دے
بس ایک آنچ اور آبلہ ہو گئے ہم
کبھی بزم ہستی کی رونق ہمیں تھے
سراجؔ اب بجھا سا دیا ہو گئے ہم
سراج لکھنوی 
(636) ووٹ وصول ہوئے
In Urdu By Famous Poet Siraj Lakhnavi. is written by Siraj Lakhnavi. Enjoy reading Poem on Inspiration for Students, Youth, Girls and Boys by Siraj Lakhnavi. Free Dowlonad by Siraj Lakhnavi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends