قسمت سے لڑتی ہیں نگاہیں
قسمت سے لڑتی ہیں نگاہیں
تیرے ہوتے کس کو چاہیں
الٹی دیکھیں عشق کی راہیں
ہنسنا پڑے جب رونا چاہیں
عشرت ماضی کو روتا ہوں
غم کے گلے میں ڈال کے باہیں
نازک نازک جذبے دل کے
ہلکی ہلکی ٹھنڈی آہیں
شیشۂ دل کے ہر ٹکڑے میں
ایک اک صورت کس کو چاہیں
میرے مقدر کے سر نامے
جلتے آنسو ٹھنڈی آہیں
دکھتے ہوئے دل کی رگ رگ میں
تم چٹکی لو ہم نہ کراہیں
ہائے ترے پابند محبت
قیدی آنسو مجرم آہیں
ایک اک سانس جواب طلب ہے
کیسے نالے کیسی آہیں
کیا نہ گزرتی ہوگی دل پر
رو نہ سکیں جب رونا چاہیں
سرخ آنکھیں ہیں بھرے ہیں آنسو
کس سے سراجؔ لڑی ہیں نگاہیں
سراج لکھنوی 
(627) ووٹ وصول ہوئے
In Urdu By Famous Poet Siraj Lakhnavi. is written by Siraj Lakhnavi. Enjoy reading Poem on Inspiration for Students, Youth, Girls and Boys by Siraj Lakhnavi. Free Dowlonad by Siraj Lakhnavi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends