مدد اے خیال ماضی ذرا آئنہ اٹھانا (ردیف .. ہ)
مدد اے خیال ماضی ذرا آئنہ اٹھانا
میں بدل گیا ہوں خود ہی کہ بدل گیا زمانا
مرے خالق گلستاں یہ سماں نہ پھر دکھانا
کہ خود اپنی روشنی میں نظر آئے آشیانا
یہ ہے جدت تخیل تو بھلا کہاں ٹھکانا
ملیں بجلیوں کے تنکے تو بناؤں آشیانا
یہ قفس قفس نہ رہتا نظر آتا آشیانا
مرے بال و پر سے پہلے مرے دل کا ٹوٹ جانا
یہ نہ پوچھ پھول برسے کہ گری دلوں پہ بجلی
ذرا دیکھ آئنہ میں کبھی اپنا مسکرانا
مرا ایک ایک آنسو غم فکر دو جہاں ہے
کبھی خشک کرنا دامن کبھی آستیں سکھانا
رگ و پے میں برق دوڑے یہی لطف زندگی ہے
مرے مسکرانے والے یوں ہی مسکرائے جانا
مرے شام غم کی زینت مرے آنسوؤں کے تارو
تمہیں کام کیا سحر سے کہیں تم نہ ڈوب جانا
کہوں کیا سراجؔ تم سے جو گزر رہی ہے دل پر
یہ قفس کی زندگی اور یہ بہار کا زمانہ
سراج لکھنوی 
(735) ووٹ وصول ہوئے
In Urdu By Famous Poet Siraj Lakhnavi. is written by Siraj Lakhnavi. Enjoy reading Poem on Inspiration for Students, Youth, Girls and Boys by Siraj Lakhnavi. Free Dowlonad by Siraj Lakhnavi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends