ایماں کی نمائش ہے سجدے ہیں کہ افسانے
ایماں کی نمائش ہے سجدے ہیں کہ افسانے
ہیں چاند جبینوں پر اور ذہن میں بت خانے
کچھ عقل کے متوالے کچھ عشق کے دیوانے
پرواز کہاں تک ہے کس کی یہ خدا جانے
کم ظرف کی نیت کیا پگھلا ہوا لوہا ہے
بھر بھر کے چھلکتے ہیں اکثر یہی پیمانے
اب رنگ کے نسلوں کے بت ٹوٹ چکے ساقی
اب کیوں دیئے جاتے ہیں پہچان کے پیمانے
تمہید قیامت ہے اک رات کا ہنگامہ
احساس کی شمعیں ہیں جذبات کے پروانے
ساقی کے سلیقے پر حسن دو جہاں صدقے
سیاروں کی گردش ہے یا دور میں پیمانے
یہ ایک لڑی کے سب چھٹکے ہوئے موتی ہیں
کعبے ہی کی شاخیں ہیں بکھرے ہوئے بت خانے
کچھ تشنہ لب اے ساقی خوددار بھی ہوتے ہیں
اڑ جائے گی مے رکھے رہ جائیں گے پیمانے
اک کافر مطلق ہے ظلمت کی جوانی بھی
بے رحم اندھیرا ہے شمعیں ہیں نہ پروانے
تاریخ ورق اپنا الٹے گی سراجؔ اک دن
آفاق میں پھر زندہ ہوں گے مرے افسانے
سراج لکھنوی 
(600) ووٹ وصول ہوئے
In Urdu By Famous Poet Siraj Lakhnavi. is written by Siraj Lakhnavi. Enjoy reading Poem on Inspiration for Students, Youth, Girls and Boys by Siraj Lakhnavi. Free Dowlonad by Siraj Lakhnavi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends