سرو گلشن پر سخن اس قد کا بالا ہو گیا
سرو گلشن پر سخن اس قد کا بالا ہو گیا
ہر نہال اس شرم سیں جنگل کا پالا ہو گیا
آوتا ہے یہ بہا ہو آنکھ سیں دامن تلک
طفل اشک اس آج کل میں کیا جوالا ہو گیا
جب سیں اس الماس کی پہنچی کا ہے آنسو میں عکس
تب سیں ہر تار فلک ہیروں کا مالا ہو گیا
دل جگر کی پھکڑیاں آہوں کے تاروں میں پرو
بیٹھ کر دوکان غم پر پھول والا ہو گیا
اشک باراں آہ بجلی اشک کی کالی گھٹا
ماہ رو بن کس طرح کا برشگالا ہو گیا
باغ میں سرما تھا اور تھی یاد دل دار دو رنگ
مجھ کوں ہر برگ گل رعنا دوشالا ہو گیا
نیند سیں کھل گئیں مری آنکھیں سو دیکھا یار کوں
یا اندھارا اس قدر تھا یا اجالا ہو گیا
ہجر کی مٹھ میں تصور اس غزالی چشم کا
عشق کے بیراگیوں کو مرگ چھالا ہو گیا
بھر رہا ہے بس کہ دود آہ میرا اے سراجؔ
آسماں جیوں پردۂ فانوس کالا ہو گیا
سراج اورنگ آبادی 
(553) ووٹ وصول ہوئے
In Urdu By Famous Poet Siraj Aurangabadi. is written by Siraj Aurangabadi. Enjoy reading Poem on Inspiration for Students, Youth, Girls and Boys by Siraj Aurangabadi. Free Dowlonad by Siraj Aurangabadi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends