خدا قہقہہ لگاتا ہے
غزوۂ خندق کا سفر
زبان کی خندق تک آ پہنچا
لیکن سازشیں ہتھیائی نہیں جا سکیں
ابلیس کی معیت میں
نماز حاجات ادا کرنے والے
ہتھیلیوں میں جنت بھر کے کہتے ہیں
خدایا
یہ دودھ اور شہد کی نہریں
کس کے لئے بچا رکھی ہیں
تیری زمین پہ تو اب
کچرے کے ڈھیر سے
رزق نہیں انسانی کھلونے ملتے ہیں
ظالموں نے مشکیں کس لیں
اور تیری دراز رسیوں نے
ہزاروں عیسیٰ مصلوب کر دئیے
تیری تیوری میں بل پڑتا ہے تو
زمین طیش میں تھوتھنی ہلاتی ہے
اور آسمان ساری رات
اس پہ بھونکتا رہتا ہے
دیکھ تیرے کھلونوں کی
زبان درازی بڑھ گئی ہے
اور لکھنے والوں کے لئے
ساری کہانیاں
باسی کڑھی کے ابال جیسی ہو گئی ہیں
اس لئے سرخیوں میں اب
تیری مصروفیت پہ سوال اٹھایا جا رہا ہے
تو چپ چاپ مٹی کو
کھنکتے ہوئے سنتا ہے
کبھی بول کے بھی دیکھ
سدرہ سحر عمران 
(511) ووٹ وصول ہوئے
In Urdu By Famous Poet Sidra Sahar Imran. is written by Sidra Sahar Imran. Enjoy reading Poem on Inspiration for Students, Youth, Girls and Boys by Sidra Sahar Imran. Free Dowlonad by Sidra Sahar Imran in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends