بے خیالی میں کہا تھا کہ شناسائی نہیں
بے خیالی میں کہا تھا کہ شناسائی نہیں
زندگی روٹھ گئی لوٹ کے پھر آئی نہیں
جو سمجھنا ہی نہ چاہے اسے سمجھائی نہیں
جو بھی اک بار کہی بات وہ دہرائی نہیں
حسن سادہ ہے ترا میں بھی بہت عام سی ہوں
میری آنکھوں میں کسی نیل کی گہرائی نہیں
میرا حصہ مجھے خاموشی سے دے دیتا ہے
درد کے آگے ہتھیلی کبھی پھیلائی نہیں
اپنے افکار لیے پہلو نشیں ہو کے رہا
دل سے درویش نے دنیا تری اپنائی نہیں
شب کے تاریک لبوں پر ہے کئی سال کی چپ
خود سے ناراض ہے اتنی کبھی مسکائی نہیں
باس پھولوں کی چرا لی ہے ہواؤں نے مگر
جو کلی یاد کی تیری ہے وہ مرجھائی نہیں
آگ یہ دونوں طرف کیوں نہ برابر سی لگے
ہائے وہ عشق ہی کیا جس میں پذیرائی نہیں
بے ارادہ بھی کوئی کام تعطل نہ پڑا
با ارادہ تھی ملاقات کی شب آئی نہیں
سدرہ سحر عمران 
(655) ووٹ وصول ہوئے
In Urdu By Famous Poet Sidra Sahar Imran. is written by Sidra Sahar Imran. Enjoy reading Poem on Inspiration for Students, Youth, Girls and Boys by Sidra Sahar Imran. Free Dowlonad by Sidra Sahar Imran in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends