مسئلے کا حل نہ نکلا دیر تک
مسئلے کا حل نہ نکلا دیر تک
رات بھر جاگ بھی سوچا دیر تک
مسکرا کر اس نے دیکھا دیر تک
دل ہمارا آج دھڑکا دیر تک
آپ آئے ہیں تو یہ آیا خیال
بام پر کیوں پنچھی چہکا دیر تک
ٹوٹتے ہی ان سے امید وفا
دل ہمارا پھر نہ دھڑکا دیر تک
پھول اپنے رس سے ونچت ہو گیا
پھول پر بھنورا جو بیٹھا دیر تک
کھل گیا اس کی وفاؤں کا بھرم
دے نہ پایا مجھ کو دھوکا دیر تک
ناز سے وہ زلف سلجھاتے رہے
چھت پہ میری چاند چمکا دیر تک
جس جگہ انسان کی عزت نہ ہو
اس جگہ پھر کیا ٹھہرنا دیر تک
خوب رویا میں کسی کی یاد میں
اب کی بادل خوب برسا دیر تک
چل دیا وہ سب کو تنہا چھوڑ کر
کاش وہ دنیا میں رہتا دیر تک
وہ چھڑا کر اپنا دامن چل دیئے
رہ گیا میں ہاتھ ملتا دیر تک
زہر سے لبریز ساغر کا مزہ
پیار میں ہم نے بھی چکھا دیر تک
یہ زمانہ بے وفا ہے نورؔ جی
کب کسی کا ساتھ دے گا دیر تک
شیام سندر نندا نور 
(621) ووٹ وصول ہوئے
In Urdu By Famous Poet Shyam Sundar Nanda Noor. is written by Shyam Sundar Nanda Noor. Enjoy reading Poem on Inspiration for Students, Youth, Girls and Boys by Shyam Sundar Nanda Noor. Free Dowlonad by Shyam Sundar Nanda Noor in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends